کتاب قویما منی قان آپاریر جلد 2 اثر صالح سجادی نشر انتشارات سوره مهر

آذربايجان ادبيات سماسينين هميشه پالارق و ايشيقلي اولدوزلاري واركي هئچ واخت سؤنمه­ييب، دايماً ادبيات و اينجه صنعت يول­لارينا نور ساچيب و بو يول­لاري ايشيق و كروانلي ائديب. بو عاريف و شاعيرلرين شعرلري دورو سو كيمي آخيب، هر يئره يول تاپيب و ادبيات گولشنينی گوللو، چيچكلي و طراوتلي ساخلايیب. نئجه كي علي آقاكورچايلي دئيير: بولاغين گؤزونه داش تيخاسان دا باشقا بير يول تاپيب، آخيب گله­جك. دونيانين خئيريني بيلن اينسان دا بولاغ عادتيني گؤتورسون گرگ. بو ظريف فيكرلي اينسانلار اؤز شعرلريله هميشه میللته اؤیود وئريب و اونلاري حقه، حقيقته و دوزلویه چاغيريبلار و اونلارين مدنیّتینی غني­لنديريب و عصیرلردن، عصیرلره انتقال وئريبلر. بونلارين شعرلري بيزيم موسيقيمزه اساس اولوب و اونا روح، احساس وئريب و درينله­شديريبدير. واقيف، صراف، شهريار، نسیمی، نباتی، فضولي، واحید، سید عظیم شیروانلی، و باشقا نهنگ شاعیرلرین غزل­لري، چوخلارينين مخصوصاً ادبياتچي­لارين اوریينده سيلينمز يئر ساليبدير. دوزدور بو عزيزلر بو گون بيزيم سيراميزدا يوخدورلار، لاكین سؤزلري بيزيمله يول­بيردير.