کتاب یئردن اوجا تورپاق نشر موغام

راوی یازی میزی‌نین آرخاسیندا اَیلشدی. خیال‌لاری بیر- بیرینه ایلیشیب، ذهنینده گؤزله‌‌‌نیلمز طوفان قوپور. قصدی یوخدور ناغیل دئییب، افسانه توخوسون. بو دؤنه یئرله گؤیو بیر-‌‌ بیرینه تیکمک ایسته‌ییر. میزین اوز‌رینه دیرسکله‌نیب، اوزونو اوووجلاریندا گیزله‌دیر. نشان بارماقلاریلا آلنینی سیخیر. آنجاق طوفان ساکین‌‌‌لشمیر. اوتوراجاغین دایاناغینا دایانیر. بارماقلارینی آستا- آستا گیجگاهلارینا آپاریپ، گؤزلرینی یومور‌‌‌‌‌.‌ ‌‌دایره‌وی حرکت‌له گیجگاهلارینی اؤوکله‌ییر. زامان کیپریک‌‌‌لری‌نین آلتیندا دالغالانیر. گاهدان‌‌‌ میلاد‌‌دان اوّلکی ایل‌‌لره دوغرو آخیر. گاهدانسا دا یئردن اوجا،‌‌قیرمیزی تورپاغا ساری قالخیر. اوزون زاماندان سونرا طوفان آرا کسیر. ذهنی دینجه‌لیر. ایسته‌دی‌یی سؤزلر سایخاش- سایخاش فیکرینه یاغیر. گؤزلرینی آچیر. کاراکتئرلریندن ایذن‌سیز، اونلارین دوشونجه‌‌‌‌لرینی سورو-شمادان بئله، بارماقلاری لپ‌تاپین کلاویه‌لری‌نین اوزرینده اوسطوره‌یله علم‌دن دوغولموش، بیر خیال رقصی باشلاییر.