بسم الله الرحمن الرحیم؛ الحمدلله رب العالمین و الصلاه و السلام علی اشرف الانبیاء و المرسلین، محمد و آله الطیبین الطاهرین و اللعنه الدائمه علی اعدائهم اجمعین من الان الی قیامه یوم الدین.
بغشلین و محبتی اورکلرده اولان آللهن آدی و یادیله که تمام مخلوقاتین یکتاسیدور و ان بیوک آلله آدیله که ضامیندور، کور قوشون رزقینی یوواسندا وئیرسین، منه یول گوسترندور، آللهیم منه سؤز اؤرگدندور، آللهیم اَلی آرخامدا اولموش، کمکیمدور آللهیم.
هر نه یازیرام آلاهن اذنیله درس اوخومادان یازیرام و کور قوش کیمی یووامدا یول گوزلورم که خالقیم یول گوستره. خلاصه بو سیاغدا قدیم ایامدا گئجه چاغیندا بئش کلاس درس اوخودوم یوخسولوخ سایه سینده، دنیاده یوخسولوخ یامان درددی چکمین بیلمز همان یوخسولوخ شکل و شمایلی انسانن اوزونده رسمین چکرکن اؤلنه قدر نقش باغلایر دنیانن بی وفالیقی یوخسولی خوشلامر و وورغون ایلان تک قلبیندن سانجیری بونا خاطیر یوخسول دنیادان دویار کن دنیا اونی بوراخمر.
گوز آچاندان گورورم دنیا منی بوشلامری
یا فقیر یاده مریض دنیا منی خوشلامری
بیلمرم که نیه گلدیم هارایا گئدملییم
اوت ائچینده گینهده دنیا منی بوشلامری