معرفی، خرید و دانلود کتاب ساچاقدان آسیلمیش اژدها

هوْتئلین قاپیسیندان ایچری گیریب، قارا مرمرداشلی حوْضون ایچنده فواره‌لری گؤرونجه توتقونلوغوم باشیمدان اوچور. یوخوسوز و یورغون گؤزلریم سویون آیدینلیغیندا دینجه‌لیر. اوتاقلاریمیز حاضیرلاشینجا هوتئلین لابیسیندا أیله‌‌‌شیریک. پکن واختیله آخشام ساعات بئشدی. آنجاق ناهار یئمه‌‌‌میشیک هله. بئله کی گؤرونور، اوتاق ایشی اوزونا چکه‌جک. نیمایا دئییرم: «‌دور گئدَخ ناهار یئیَخ‌». نیما دا آللاهینداندی دئیه، یئریندن قالخیر. عاغیل ائله‌ییب، دولاردان علاوه‌۵۰۰ یوُوان دا اؤزوموزله گتیرمیشیک. آمما تورون چین‌لی نوماینده‌سی دولاری چین پولو ایله ده‌ییشیر.‌۱۰۰ دولارا‌‌‌۶۰۰‌ یووان. بیز گلنده تبریزده امیر بازارینین صرافلاری هر‌۱۰۰ دولاری‌۶۶۰ یووانا ده‌ییشیردیلر. هله هوتئلده‌کی پول ده‌ییشن ماشین‌۱۰۰‌‌‌دولارا‌‌‌‌۵۷۰‌‌‌‌‌‌‌‌‌یووان وئریر. منجه هر بیر توریست ارز ده‌ییشنده بوفرقلری نظره آلمالیدی. هر اؤلکه‌ده یئرلیلرله توریستلرین فرقی اولور. حتی هاوا آلانیندا دا وطنداشلارلا یاد‌‌مسافیرلرین صف‌‌‌‌‌لرینی آییریرلار.